Годинава јули бил најтопол до сега - метеоролозите со страшни вести за зимата
Минатиот месец јули е најтоплиот месец досега на планетата Земја, со тоа што најтопло било во Европа и Блискиот Исток.
Американските метеоролози објавија дека просечната температура во јули на глобално ниво изнесувала 16,6 степени Целзиусови што е за 1,7 степени повеќе од тоа што е регистрирани последен пат во 1998 година. Најжешки делови во светот во јули биле Европа и Блискиот Исток, пренесува Анадолија.
Според резултатите температурата регистрирана од првиот до седмиот месец годинава, исто така, е над повеќедеценискиот рекорд. Просечната температура на глобално ниво во овие месеци изнесувала 14,7 степени Целзиусови, што е за 1,53 степени над просекот регистриран во 20. век.
Температурата на водите во океаните, исто така, бележи раст од 1,35 степени Целзиусови во месец јули во однос на температурата во истиот период регистрирана минатиот век.
Инаку, за оваа зима која ни следи метеоролозите најавија дека ќе биде една од најладните, како што ова лето беше едно од најтоплите до сега.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
