Раст на индустриското производство во Македонија: Зголемување од 2,8% во првата половина на 2025
Индустриското производство во периодот јануари – јуни 2025 година, во однос на истиот период лани, е зголемено за 2.8 %. Во јуни, пак, во споредба со минатогодишниот јуни, забележан е раст од 0.5 %, соопшти Државниот завод за статистика.
Индустриското производство во секторот Рударство и вадење на камен во јуни 2025 година, во однос на јуни 2024 година, бележи пораст од 6.9 %, во секторот Преработувачка индустрија од 2.0 %, а во секторот Снабдување со електрична енергија, гас, пареа и климатизација има опаѓање од 29.3 %.
Според главните индустриски групи, производството во јуни 2025 година, во однос на јуни 2024 година, бележи пораст кај Интермедијарни производи, освен енергија за 4.6 %, Капитални производи за 2.0 % и Нетрајни производи за широка потрошувачка за 1.9 %, додека опаѓање бележи кај Енергија за 24.4 % и Трајни производи за широка потрошувачка за 4.3 %.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
