Две години затвор за напаѓачот на Арсовска

Основниот кривичен суд го прогласи за виновен Сулејман Љамалари за кривично дело насилство и му изрече казна затвор од две години.

Судијката соопшти дека обвинението е докажано надвор од секакво разумно сомневање. Таа нагласи дека делото е извршено врз функционер за време на извршување на функцијата, што претставува директен атак врз државна институција. Дополнително, беше истакнато дека обвинетиот користел физичка надмоќ врз градоначалничката Данела Арсовска, со оглед на тоа што таа е жена.