Кина пред Путин го открива моќното оружје што со години го криеше од светот

Под зелената церада на камион со осум тркала се крие она што Кина тврди дека е најмоќниот ласерски систем за противвоздушна одбрана во светот, подготвен за откривање на големата воена парада во Пекинг. За време на пробите, мистериозното оружје не изгледало импресивно, но кога утре на парадата на Народноослободителната армија (НОА) ќе се тргне заштитниот покривач, светот ќе види технолошко чудо – барем според тврдењата на кинеските воени пропагандисти, пишува The Telegraph.

Овој ласер ќе биде дел од поворката на високо-технолошко вооружување осмислено да ја прикаже кинеската армија како модерна и интегрирана сила, способна да им парира, па дури и да ги надмине Соединетите Американски Држави. Се очекува парадата, покрај кинескиот претседател Си Џинпинг, да ја проследат и Владимир Путин, Ким Џонг-Ун, како и иранскиот претседател Масуд Пезешкијан.

Парадата, со која се одбележуваат 80 години од капитулацијата на Јапонија во Втората светска војна, според размерите треба да ги надмине и оние што се одржани во Москва и Вашингтон. Аналитичарите на Пентагон внимателно ќе ја следат за да соберат информации за вооружувањето со кое САД би можеле да се соочат во случај на инвазија на Тајван, што американските разузнавачки служби го сметаат за можно веќе во 2027 година.

Фотографии од пробите веќе откриле четири нови противбродски проектили од класата „YJ“ или „орлов напад“, кои би можеле да се користат за потопување на американски или британски воени бродови. Американските аналитичари ќе ги следат „техничките показатели“ за да проценат дали изложеното оружје е „вистинско“ или само „глупости“, изјавил Роб Питерс, виш истражувач во тинк-тенкот Heritage Foundation.

- On September 3, 2025, China will display four new anti-ship missiles—YJ-15, YJ-17, YJ-19, and YJ-20—at its military parade, aimed at countering U.S. naval dominance, particularly aircraft carriers, in regions like the Taiwan Strait and South China Sea.

These missiles… pic.twitter.com/4mpF8iKPc7

— The Informant (@theinformant_x) August 19, 2025