Левит: САД имаат многу алатки за да помогнат во завршувањето на конфликтот во Украина

САД имаат многу алатки за да помогнат во завршувањето на конфликтот во Украина, изјави портпаролката на Белата куќа, Каролин Левит, во интервју за „Фокс њуз“.

-Претседателот Доналд Трамп сака да ги исцрпи сите опции за постигнување мирен крај на војната кога ќе се сретне со рускиот претседател Владимир Путин во американската држава Алјаска , рече таа, пренесена од британските медиуми.

Левит рече дека Путин и Трамп во Енкориџ ќе имаат тет-а-тет средба, а потоа ќе одржат заедничка прес-конференција.

Кремљ истиот редослед на настаните го најави порано денеска.