Пороен дожд, грмежи и град во Скопската котлина, Велес и Демир Хисар

Нестабилно време со дожд, грмежи и засилен ветер се забележува во јужниот дел од Скопската котлина и во планинските подрачја во околината на Велес. Според УХМР, овие врнежи се движат од југ кон север.

УХМР предупредува и на поголема нестабилност западно од Кавадарци и Росоман, проследена со пороен дожд, засилен ветер и појава на суградица.

Невреме со засилен ветер, електрични празнења и пороен дожд, а на места и град, се забележани и во Демирхисарскиот регион и во околината на Велес.