И регионот гори: Измерени неверојатни 46°C, улиците пусти

На главната улица во Чачак, термометарот ги измери моменталните 46°C, што е многу повисоко од прогнозираната температура за денес.

Денес е најжешкиот ден во Србија од почетокот на годината, топлината зрачи од асфалтот, чувствуваме како да ни се топат чевлите, и тоа не е ни чудо, бидејќи термометрите на улиците на градот, на сонце, мерат 46°C.

Според официјалните податоци од веб-страницата на RHMZ, најжешките места моментално се во Заечар и Чуприја, каде што според податоците е 39°C.

Температурата е уште повисока на сонце, а тоа го докажуваат мерењата во Чачак.

Како што може да се види на фотографијата објавена од агенцијата RINA, шеталиштето е пусто, што само докажува колку се неподносливи температурите.

Лекарите советуваат луѓето да не излегуваат на улица, а доколку е апсолутно неопходно, да носат крема за сончање и шише вода со себе.

Во петок се очекува мало опаѓање на температурата, за пет до осум степени, со умерен ветер, додека во Војводина, на истокот од земјата и во планинските подрачја ќе има силен северозападен ветер со повремени локални врнежи од дожд и грмежи.

Денес во Белград се очекува многу топло време со утрински и дневни температури кои ќе бидат значително над просекот за овој период од годината.