Андонов: Паушалните сметки треба да бидат реални – секој сака да плати колку што потрошил

Виктор Андонов, член на работната група за енергетика предложен од СДСМ, денеска во емисијата Бизнис21 на ТВ21 ја истакна потребата од правична пресметка на електричната енергија, со посебен акцент на проблемот со паушалните сметки.

„Целиме кон членство во ЕУ, а таму читањето на броилата е предвидено еднаш годишно, но паушалните сметки треба да бидат реални. Нормално е секој граѓанин да сака да плати колку што навистина потрошил“, изјави Андонов.