Србин се удави во Грција

Србин (80) се удави во Грција во регионот Пиерија во близина на Катерини.

Тој беше извлечен од водата во несвест, спасувач му укажа прва помош на плажата, а потоа со амбулантно возило беше пренесен во болницата во Катерини.

Тој беше примен на интензивна нега, но за жал почина во утринските часови, објавија грчките медиуми.

Идентитетот на починатиот српски државјанин е непознат.

Истрагата ја води Третата пристанишна управа на Скала Катерини при Централната пристанишна управа на Солун.