Едно лице загина во сообраќајката на патот Куманово-Крива Паланка: МВР со детали
Едно лице загина во сообраќајна несреќа што се случи попладнево во 13 часот на магистралниот пат Куманово-Крива Паланка, соопштија денеска од СВР Куманово.
- Во СВР Куманово било пријавено дека на магистрален пат Куманово-Крива Паланка, во населба Карпош, Кумановско, се случила сообраќајна незгода помеѓу товарно моторно возило и патничко моторно возило „пежо“, управувано од Б.С.(71) од Куманово. Од здобиените повреди, на местото починал Б.С., а смрт констатирал лекар од Итна медицинска помош. Увидот е во тек, информираат од кумановската полиција.
Од Итна помош кажаа дека нивна екипа излегла на терен.
- Наша екипа веднаш излезе на терен и лекарот констатирал смрт, изјави д-р Бленд Алии, началник на Итна помош Куманово.
Сообраќајот на овој патен правец е затворен поради увидот од страна на полицијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
