Малолетници украле автомобил - полицијата ги фатила во Валандово
Синоќа во 23:20 часот во Валандово, полициски службеници од СВР Струмица-ОВР Валандово лишиле од слобода двајца малолетници од Струмица на возраст од 17 и 14 години. Седумнаесетгодишното момче управувало со возило кое било пријавено за одземено.
-Во 23:30 часот на место викано „Монополот“ во Валандово, полициски службеници запреле патничко возило „форд“ со струмички регистарски ознаки, кое претходно во полициската станица Струмица било пријавено за одземено, а било управувано од 17 годишниот малолетник, а сопатник бил 14 -годишникот, се посочува во соопштението од полицијата.
Во полициската станица Валандово бил извршен разговор со лицата во присуство на вработен од Центар за социјални работи Валандово, а за настанот бил запознаен јавен обвинител од Основното јавно обвинителство Струмица.
Возилото е одземено и ќе биде вратено на сопственикот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
